काठमाडौं । स्पेनको प्रहरीले पाँच जना पाकिस्तानी नागरिकलाई आतंकवादी गतविधिमा संलग्न भएको आरोपमा पक्राउ गरेको छ ।
इस्लामिक कट्टरपन्थीविरुद्ध आवाज उठाउनेलाई स्पेनिस नागरिकको हत्या गर्न कट्टरपन्थीलाई उक्साएपछि प्रहरीले पक्राउ गरेको हो । पाकिस्तानी नागरिकहरूलाई फेब्रुअरी २१ मा बार्सिलोना, जेरोना, उबेदा र ग्रानाडाबाट पक्राउ गरेको एक मिडिया रिपोर्टले जनाएको छ ।
पक्राउ पर्नेहरु २० वर्ष उमेर समूहका छन् । उनीहरुको कनेक्सन पाकिस्तानको कट्टरपन्थी इस्लामी समूह, तहरीक(ए(लब्बैकसँग पाइएको छ । जसले इस्लामिक कानूनको कार्यान्वयन र निन्दा गर्नेहरूलाई मृत्युदण्डको वकालत गर्दछ ।
राष्ट्रिय उच्च अदालतका न्यायाधीश म्यानुएल गार्सिया(कास्टेलोनले आतंकवादी संगठनसँगको सहकार्य, महिमा र हत्या गर्न उक्साएको आरोपमा सबै अभियुक्तहरूलाई हिरासतमा राख्ने आदेश दिएका छन् । पक्राउ परेकाहरु पेरिसमा सेप्टेम्बर २०२० मा भएको हमलासँग पनि जोडिएको पाइएको छ ।
चार्ली हेब्डोको व्यंग्य पत्रिकाले जनवरी २०१५ मा एक जिहादी आक्रमणको सामना गरिसकेको छ । जसमा आठ व्यक्तिको मृत्यु भएको थियो । दोस्रो आक्रमणमा दुई जना गम्भीर घाइते भएका थिए । २५ वर्षीय पाकिस्तानी जहीर हसन महमूदले पैगम्बर मुहम्मदको काटुन पुनस् प्रसारित गरेको भन्दै फेरि आक्रमण गर्ने तयारी गरेका थिए ।
फ्रान्सेली पुलिस अनुसन्धानले जहीर हसन महमूद र तहरीकए(लबाइक पाकिस्तान बीचको सम्बन्ध पत्ता लगाएको छ । जसका कारण निगरानी राखेर स्पेनले उच्च सतर्कता अपनाएको थियो ।
अनुसन्धानले पत्ता लगाएको छ कि अहिले पक्राउ परेकाहरूले सामाजिक सञ्जालहरू, मुख्यतया फेसबुक र टिकटकका प्रोफाइलहरू, उर्दू ९पाकिस्तानमा बोलिने भाषा० मा एक प्रामाणिक प्रचार यन्त्रको रूपमा प्रयोग गरेका थिए । जसको माध्यमबाट उनीहरूले सिर्जना गरेको श्रव्य दृश्य सामग्रीहरू प्रसारित गरेका थिए ।
रिपोर्टमा भनिएको छ, उनीहरूले युरोप र पाकिस्तानमा उनीहरूलाई निन्दा मान्नेहरू विरुद्ध गरिएको आतंकवादी हमलाको प्रशंसा गरे। “तिनीहरू धेरै सक्रिय थिए र स्पेनमा मात्र होइन, धेरै अनुयायीहरू फ्रान्स, ग्रीस वा इटाली जस्ता अन्य युरोपेली देशहरूमा पनि छन्,” अनुसन्धानको नजिकका स्रोतहरूले औंल्याए । यो उनीहरूको कट्टरपन्थी सन्देशहरूको बढ्दो पहुँच थियो जसले गिरफ्तारीलाई अगाडि बढाएको थियो।
समूहका कथित नेता बार्सिलोनामा गिरफ्तार गरिएको थियो । अर्को दुई, गिरोनामा। अर्को, उबेदा ९जेन० मा र अन्तिम, ग्रानाडामा पक्राउ परे । उक्त अपरेसन बार्सिलोनाको प्रान्तीय गुप्तचर इकाई र सामान्य सूचना प्रहरी स्टेशन, राष्ट्रिय गुप्तचर केन्द्र ९सीएनआई० र पुलिस सहयोगका लागि ईयू एजेन्सी युरोपोलले गरेको एएनआईले जनाएको छ ।
