एजेन्सी । भारत र चीनको सीमा विवादका बीच भारतका प्रधानमन्त्री नरेन्द्र मोदी र चीनका राष्ट्रपति सी जिनपिङबीच तीन वर्षपछि पहिलो पटक भेट हुने सम्भावना सिर्जना भएको छ । सेप्टेम्बरको मध्यमा उज्वेकिस्तानमा आयोजना हुने सांघाई सहयोग संगठन (एससीओ) मा सहभागी हुन जाँदा दुई नेताबीच भेटवार्ता हुने अपेक्षा गरिएको हो ।
त्यसपछि नोभेम्बरको मध्येमा पनि दुवै नेता जी–२० बैठकमा सहभागी हुन इन्डोनेसिया पुग्ने सम्भावना पनि छ । पछिल्लो समय भारत र चीनबीचको लाईन अफ एक्चुअल कन्ट्रोल(एलएसी) मा तनाव छ । तर चीनले भने दुई देशबीचको सम्बन्धलाई ‘सामान्य’ भनेर चित्रण गर्ने प्रयास गरिरहेको छ, जसमा भारत सहमत छैन ।
