सर्लाही । रुख चुनाव चिन्हमा आफै धमाधम मत छाप्ने र मतदातालाई समेत मत दिन सिकनउने सर्लाहीका एक मतदान अधिकृत बर्खास्तमा परेका छन् ।
सर्लाहीको बलरा नगरपालिका वडा नम्बर ३ स्थित मतदान केन्द्रमा खटिएका मतदान अधिकृत राजकिशोर साहलाई बर्खास्त गरिएको हो ।
मत दुरूपयोग गरेको आरोपमा पक्राउ परेका उनलाई बर्खास्त गरिएको बलराका निर्वाचन अधिकृत रंजित यादवले जानकारी दिए।
साहले मतदातालाई चुनाव चिन्ह नै देखाएर मतदान गर्न सिकाएपछि विवाद हुँदा प्रहरीले उनलाई नियन्त्रणमा लिएको थियो।
विवादका कारण मतदान अवरूद्ध भएको थियो।
सर्वदलीय बैठकमा साहलाई बर्खास्त गरी सहायक मतदान अधिकृतलाई जिम्मेवारी तोकेर मतदान गराउन सहमति भएको थियो।
बैठकमा भएको सहमति अनुसार सहायक मतदान अधिकृत राम प्रवेश साहलाई कामु मतदान अधिकृतको जिम्मेवारी दिएर मतदान सुरू गराइएको निर्वाचन अधिकृत यादवले बताए।
उनले मतदातालाई रुख छापमा मत दिन सिकाएको र आफै समेत रुख छापमा मत छापेको आरोप छ ।
