राजविराज । काठमाडौंको एक होस्टेलबाट सप्तरीकी एक महिला लागूऔषधसहित पक्राउ परेकी छन् ।
काठमाडौं महानगरपालिका–३१ कात्यायानी चोकस्थित न्यू कश्यप बोईज होस्टलकी संचालिका समेत रहेकी सप्तरीको छिन्नमस्ता गाउँपालिका वडा नम्बर १ निवासी ४५ बर्षीया माया कुमारी देवी मिश्र पक्राउ परेकी हुन् ।
प्रहरी वृत्त नयाँबानेश्वरबाट मंगलबार बेलुकी खटिएको प्रहरीले उनको होस्टल तलासी गर्दा लागूऔषध ब्राउन सुगर बरामद गरेको छ ।
१३० मिलिग्राम लागूऔषध ब्राउनसुगर भेटिएपछि उनलाई नियन्त्रणमा लिइएको र यस विषयमा अन्य अनुसन्धान भइरहेको प्रहरीले जनाएको छ ।
