सप्तरी प्रहरीले ठूलो परिणामको गाँजा बरामद गरेको छ । सप्तरीको बलान विहुल गाउँपालिकाबाट प्रहरीले शनिवार राती झण्डै ७ क्वीण्टल गाँजा नियन्त्रणमा लिएको हो।
बलान बिहुल गाउँपालिका वडा न.१ चन्हीस्थित कमलदाहामा २४ पोका बनाई परालले छोपेर राखेको अवस्थामा ६७० किलो गाँजा बरामद भएको प्रहरीले जनाएको छ।
उक्त गाँजा भारत छिराउन तयारी अवस्थामा राखिएको प्रहरीले जनाएको छ। तस्करले पछिल्लो समय गाँजा तस्करीका लागि सप्तरीलाई ट्रान्जित प्वाईन्टका रुपमा प्रयोग गरिरहेका छन्।
यसअघि ३ मंसिरको राती प्रहरीले राजगढ गाउँपालिकाबाट टिपरमा लोड गरिएको अवस्थामा १ हजार ७ सय १७ किलो गाँजा नियन्त्रणमा लिएको थियो।
