काठमाडौ। नक्कली भुटानी शरणार्थी प्रकरणमा मुछिएर पक्राउ परेका पूर्वउपप्रधानमन्त्री एवम् एमाले सचिव टोपबहादुर रायमाझीलाई आज म्याद थपका लागि जिल्ला अदालत लगिने भएको छ ।
हिजो साँझ बुढानीलकण्ठबाट पक्राउ परेका रायमाझीलाई आइतबार नै काठमाडौँ परिसर लगिएको थियो । प्रहरीले आज उनको स्वास्थ्य परीक्षण गरेर म्याद थपका लागि जिल्ला अदालत लैजानुभन्दा अगाडि केही समय बयान लिने तयारी गरिरहेको छ ।
गत २० गते पक्राउ पुर्जी जारी भएपछि फरार रहेका उनी ११ दिनमा हिजो पक्राउ परेका हुन् । यसअघि यही प्रकरणमा पूर्वगृहमन्त्री बालकृष्ण खाँण, बहालवाला सचिव टेकनारायण पाण्डेलगायत १२ जना पक्राउ परिसकेका छन् ।
