नयाँ दिल्ली । जी२० राष्ट्रका विदेशमन्त्रीहरुको दुई दिने सम्मेलन भारतको राजधानी नयाँ दिल्लीमा सम्पन्न भएको छ। उक्त सम्मेलनमा भारतले युक्रेन युद्ध अन्त्य गर्न सहजीकरण गर्ने प्रयास गरेको थियो। यद्पि उक्त सम्मेलनमा ठोस सहमति भने हुन सकेन।
२० औद्योगिक र विकासशील राष्ट्रहरूको समूहका शीर्ष कूटनीतिज्ञहरूले बिहीबार नयाँ दिल्लीमा युक्रेन युद्धको बारेमा कुनै ठोस सहमति बिना बैठक समाप्त भएको भारतका विदेशमन्त्रालये जनाएको छ।
भारतीय विदेशमन्त्री सुब्रह्मण्यम जयशंकरले युक्रेनको युद्धको मुद्दामा ‘विभिन्नता” रहेको’ र ‘विभिन्न पक्षहरूले फरक विचार राखेकाले हामीले ठोस सहमति गर्न नसकेको’ बताए।
जयशंकरले भने, ‘यदि हामीसँग सबै मुद्दाहरूमा सहमती हुन सकेको भए यो पूर्ण बैठक हुने थियो र सामूहिकताको सन्देश जाने थियो,’ जयशंकरले भने, ‘जी२० सदस्यहरू कम विकसित राष्ट्रहरूको सरोकार समावेश गर्ने अधिकांश मुद्दाहरूमा सहमत भएका थिए- जस्तै बहुपक्षीयतालाई सुदृढ गर्ने, खाद्य र ऊर्जा सुरक्षाको प्रवर्द्धन, जलवायु परिवर्तन, लैङ्गिक मुद्दाहरू र आतंकवाद विरोधी। तर, युक्रेन युद्धका विषयमा विभिन्न धारणाहरु आए। ‘
चीन र रुसले गत वर्ष बालीमा अघिल्लो जी२० घोषणाबाट लिइएका दुई अनुच्छेदहरूमा आपत्ति जनाएका थिए। जसमा भनिएको छ, युक्रेन युद्धले विश्वव्यापी अर्थतन्त्रमा कमजोरीहरू बढाउँदै ठूलो मानवीय पीडा निम्त्याइरहेको छ, अन्तर्राष्ट्रिय कानूनलाई समर्थन गर्न आवश्यक छ, र “परमाणु हतियारको प्रयोग वा प्रयोगको धम्की अस्वीकार्य छ।’
आयोजक भारतले युक्रेनलाई लिएर फराकिलो पूर्व-पश्चिम विभाजन समाधान गर्न नसके पनि गरिब देशहरूका लागि विशेष चासोका मुद्दाहरूमा सहमतिमा पुग्न जी२० को टुक्रिएको समूहका सबै सदस्यहरूलाई अपील गरेको थियो। र जब अमेरिकी विदेश सचिव एन्टोनी ब्लिन्केन लगायत अन्यले विश्व संकटलाई सम्बोधन गर्न आफ्नो भूमिकालाई जोड दिए।
जयशंकरले त्यसपछि समूहलाई व्यक्तिगत रूपमा सम्बोधन गर्दै सहमतिको ‘सामान्य आधार खोज्नुपर्छ र दिशा प्रदान गर्नुपर्ने’ बताएका थिए।
