काठमाडौँ । नेपाली काँग्रेसका सभापति एवं प्रधानमन्त्री शेरबहादुर देउवाले प्रतिनिधि सभा र प्रदेश सभाको निर्वाचन शान्तिपूर्ण रूपमा सम्पन्न भएको बताएका छन् ।
निर्वाचन शान्तिपूर्ण रूपमा सम्पन्न भएकोमा प्रधानमन्त्री देउवाले निर्वाचन आयोगलाई विशेष धन्यवाद समेत दिएका छन् ।
आइतबार देशभरका केही बुथ बाहेकमा सम्पन्न प्रतिनिधिसभा तथा प्रदेशसभाको निर्वाचनपछि साँझ सामाजिक सञ्जाल ट्विटरमा ट्विट गर्दै देउवाले धन्यवाद एवं आभार व्यक्त गरेका हुन् ।
प्रतिनिधि सभा र प्रदेश सभाको निर्वाचन शान्तिपूर्ण रुपमा सम्पन्न भएको छ।यसका लागि निर्वाचन आयोगलाई विशेष धन्यवाद दिन चाहन्छु ।साथै निर्वाचन सफल गराउन अहोरात्र खटिनु भएका राष्ट्रसेवक कर्मचारी, सुरक्षा निकाय, राजनीतिक दल, संचारकर्मी र पर्यवेक्षकहरुमा धन्यवाद तथा आभार व्यक्त गर्दछु।
यस्तै प्रधानमन्त्री देउवाले निर्वाचन सफल गराउन अहोरात्र खटिनु भएका राष्ट्रसेवक कर्मचारी, सुरक्षा निकाय, राजनीतिक दल, सञ्चारकर्मी र पर्यवेक्षकहरुलाई समेत धन्यवाद एवं आभार व्यक्त गरेका छन् । 
