दाङ । प्युठानमा यात्रुवाहक बस दुर्घटना हुँदा एक वर्षीया बालिकाको मृत्यु भएको छ भने थप ३० जना घाइते भएका छन् ।
जिल्ला प्रहरी कार्यालय प्युठानका प्रहरी प्रमुख डिएसपी सत्यनारायण थापाले घाइतेमध्ये २० जनाको अवस्था गम्भीर रहेको जनाएका छन् ।
प्युठानको अरङखोला ढिकावनबाट दाङको घोराहीतर्फ आउँदै गरेको ना३ख ७१३२ नम्बरको बस आज विहान अन्दाजी १०ः३० बजेतिर दुर्घटना परेको हो।
तीव्र गतिका कारण बस दुर्घटना भएको हुन सक्ने आशंका गरिएको छ।
जिल्ला प्रहरी कार्यालय दाङका अनुसार दुर्घटनामा घोराही उपमहानगरपालिका–१ की एक वर्षीया अंशु परियारको मृत्यु भएको हो । घाइतेहरुमध्ये १५ जनालाई भने उपचारका लािग दाङ घोराहीस्थित राप्ती स्वास्थ्य विज्ञान प्रतिष्ठान ल्याइएको प्रहरीले जनाएको छ।
