बिरेन्द्र प्रसाद नेपाल
लहान, असोज ६ गते । लागुऔषध करोबार गर्ने गोलबजारका एक जनालाइ पक्राउ गरेको छ । सिरहाको गोलबजार नगरपालीका वडा नं. ६ लक्ष्मी मन्दिर स्थित बस्ने वर्ष ३६ को रामएकवाल गिरिको घरमा लागुऔषध ब्राउनसुगरको कारोबार भइरहेको भनी गोप्य सुचनाको आधारमा ई.प्र.का. गोलबजार सिरहाबाट प्रहरी निरीक्षक सुनिल कार्कीको कमाण्डमा ५ जनाको टोली खटिगई निजको घर खानतलासी गर्दा निज रामएकवाल गिरीको सुत्ने कोठामा २थान थालमा कालो प्लास्टिकको २ वटा पोको बनाई राखेको फेला परेको छ ।
फेला परेको लागुऔषध ब्राउन सुगार जस्तो देखिने खैरो पदार्थलाई तौल गर्दा ५०० मिलिग्राम फेला पारी रितपूर्वक लागुऔषध सहित निजलाई नियन्त्रणमा लिई ई.प्र.का. गोलबजार सिरहाबाट थप अनुसन्धान कार्य भइरहेको जिल्ला प्रहरी कार्यालय सिरहाले जानकारी गराएको छ ।
